საიტზე მიმდინარეობს ტექნიკური სამუშაოები

პროექტის "კულტურული ღონისძიებები საზღვარგარეთ მოქმედი ქართული საკვირაო სკოლებისათვის" ფარგლებში, ათენს საქართველოს პარლამენტის დიასპორისა და კავკასიის საკითხთა კომიტეტის წევრი, პარლამენტის კულტურის კომიტეტის თავმჯდომარის მოადგილე ქეთევან დუმბაძე ესტუმრა

25 ნოემბერს ათენის დავით გურამიშვილის სახელობის საკვირაო სკოლას, პროექტის "კულტურული ღონისძიებები საზღვარგარეთ მოქმედი ქართული საკვირაო სკოლებისათვის" ფარგლებში, საქართველოს პარლამენტის დიასპორისა და კავკასიის საკითხთა კომიტეტის წევრი, პარლამენტის კულტურის კომიტეტის თავმჯდომარის მოადგილე ქეთევან დუმბაძე ესტუმრა.
შეხვედრას ბერძნულ-ქართული კულტურული ასოციაციის ხელმძღვანელი ხატია ქარსაულიძე, საკვირაო სკოლის პედაგოგები, ასოციაციის წევრები და საქართველოს საელჩოს თანამშრომლები - უფროსი მრჩეველი დეა მუმლაძე, უფროსი მრჩეველი დავით კორძაძე ესწრებოდნენ.
შეხვედრაზე საუბარი შეეხო ქართველი მოზარდების საჭიროებებსა და გამოწვევებს კულტურულ-საგანმანათლებლო მიმართულებით.
ქეთევან დუმბაძემ საკვირაო სკოლის ბიბლიოთეკას საბავშვო ლიტერატურა, ხოლო საქართველოს საელჩომ საკვირაო სკოლას ქართული ენის, ისტორიისა და გეოგრაფიის საგნობრივი სახელმძღვანელოები გადასცეს.