ათენში ბერძნულ-ქართული კულტურის ასოციაციის ახალ სივრცეში ქართული ენისა და ლიტერატურის პირველი ღია გაკვეთილი ჩატარდა

პედაგოგ თამარ აფციაურთან ერთად მოწაფეებმა იაკობ გოგებაშვილის „იავნანამ რა ჰქმნა’’ განიხილეს.

ღონისძიებაზე მიწვეული იყო საქართველოს საელჩო საბერძნეთში, აგრეთვე ათენის კაპოდისტრიას ეროვნული უნივერსიტეტის ბაზაზე არსებული უცხო ენათა სკოლის ქართული ენის ლექტორი, ფილოლოგიის დოქტორი თეონა ბერიძე და ათენის ღვთისმშობლის სახელობის ტაძრის მოძღვარი მამა გიორგი ნადირაშვილი.

ღონისძიების ფარგლებში საკვირაო სკოლის ხელმძღვანელებს, პედაგოგებსა და აღსაზრდელებს მიმართა საქმეთა დროებითმა რწმუნებულმა დეა მუმლაძემ. მან განსაკუთრებული მადლობა გადაუხადა პედაგოგებს და ორგანიზაციის ხელმძღვანელს ახალგაზრდა თანამემამულეებისთვის ქართული ენისა და ლიტერატურის სწავლებაში ჩადებული შრომისთვის. აღუთქვა მხარდაჭერა და მოიწვია საქართველოს საელჩოში მოახლოებული დედაენის დღის აღსანიშნავად.

საელჩოს პირველმა მდივანმა ანი უძილაურმა ისაუბრა იმ გამოწვევებზე, რომლის წინაშეც დგას საზღვარგარეთ ემიგრანტების ახალგაზრდა თაობა.

ათენის კაპოდისტრიას ეროვნული უნივერსიტეტის ბაზაზე არსებული უცხო ენათა სკოლის ქართული ენის ლექტორმა თეონა ბერიძემ ყურადღება გაამახვილა საზღვარგარეთ ქართული ენის შესწავლის საკითხის მნიშვნელობაზე.

ღონისძიების დასასრულს დამსწრე საზოგადოებას

მღვდელმსახურმა მამა გიორგი ნადირაშვილმა მიმართა და მოსწავლეებს და სტუმრებს ქრისტიანული ღვთისმეტყველების საფუძვლებზე ესაუბრა.